Aquel ancian domeni agricòla de 200 ha es situat al còr de las zònas umidas de la Narbonesa entre lo canal de la Robina, classat al patrimòni mondial de l’Unesco, e la laguna de Bajas e Sijan. Uèi, aquel espaci natural sensible, proprietat del Conservatòri del litoral, cogerit per la Comuna de Narbona e lo Pargue natural regional de la Narbonesa en Mediterranèa es un luòc de descobèrta e de compreneson dels paisatges, dels mitans e dels patrimònis d’aquel territòri particular e excepcional per sa biodiversitat.
Tres itineraris de passejadas, accessibles tota l’annada, vos permeton d’observar la diversitat de la fauna e de la flòra d’aqueles mitans ligada a la variacion de salinitat. Lo mercat bèl del domeni abriga un obrador de fustatge de marina tradicionala. L’espaci d’interpretacion vos cabussa dins lo territòri de la Narbonesa en evolucion perpetuala pel temps e l’espaci.