Lo Grand Castelon
Al còr de la plana narbonesa, lo Grand Castelon e sa palun s’espandisson sus 160 ectaras. Aquesit pel Conservatòri del litoral en 1984, aquel ancian domeni agricòla es vengut un espaci natural protegit. Lo site es gerit per la vila de Narbona e lo Pargue natural regional de la Narbonesa en Mediterranèa.
Una primièra construccion apareis sus las cartas de l’Estat major en 1830.
Lo « Castelon » significa « pichon castèl » en occitan. Sos bastiments son representatius de l’arquitectura dels grands domenis viticòlas de la fin del sègle XIXen. Èra constituït del castèl, abitacion del proprietari, e dels bastiments agricòlas dont lo Cobèrt Grand (68 m de long e 925 m² al sòl).
Amb la manca d’entreten de las canals menant l’aiga doça, las tèrras se tornan salar e las darrièras vinhas son arrancadas en 1980.
Uèi, aquel luòc a una vocacion de preservacion de la biodiversitat, d’acuèlh e de sensibilizacion del public.